Қалғандай бір аз ғұмырым шілделік – Әділбек Ыбырайымұлы

Бұл бетте «Қалғандай бір аз ғұмырым шілделік» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.02.2021
  • 0
  • 1
  • 1157
Қалғандай бір аз ғұмырым шілделік,
Жастық өтті.
Қалай өтті?
Білмедік!
Жесір әйел төбетіне нан тастап,
Қағатынбыз дарбазасын күнделік.
Екшемедік, көргенсізбен үйіктік,
Мұрат, мақсат болмады әсте биіктік.
Нәпсі деген айтылатын нәйіс сөз,
Енді ұялды табақтай бет күйіп, күп.
Қайран жылдар, қадіріңді білмегем,
Жас боп қалар көрініппін мүлде мен.
Ойсыратып опындырдың – не табам,
Бүлдіргені
Ағып кеткен шілдеден?
Жүйрік күндер апарады қайда алып?
Бүгінгіге соға алмаспын айналып.
Арбасының дөңгелегін суға сап,
Ертеңінде жол шегетін сайланып.
Әкем менің жайын білді арбаның,
Ісіндіріп, қаңсып қаған шарбағын.
Содан кейін көк атына жегетін,
Қумақ болып, жеткізбеген арманын.
Күн кешіппін күн білтелеп, алданып,
О дүниеде Әкем жатыр шамданып.
Ақ қайыңды бөгде әйелдей құшақтап,
Әлпетіне сұқ қадаймын таңданып.
Үмітіңді ақтамаппын,
Саппаспын,
Енді маған шамдал-шырақ жақпас күн.
Жастық өтті нан тастаумен көп итке,
Іздесем де қайтып сені таппаспын.


Пікірлер (1)

Пікір қалдырыңыз

Жиі қойылатын сұрақтар

Қалғандай бір аз ғұмырым шілделік өлеңінің авторы кім?

Әділбек Ыбырайымұлы — осы өлеңнің авторы.

Қалғандай бір аз ғұмырым шілделік өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қалғандай бір аз ғұмырым шілделік өлеңі не туралы?

Бұл өлеңде Әділбек Ыбырайымұлы өз ойы мен сезімін көркем түрде жеткізеді.

Қалғандай бір аз ғұмырым шілделік өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері