Әділбек Ыбырайымұлы

Дала мамық, сана мамық

Бұл бетте «Дала мамық, сана мамық» атты Әділбек Ыбырайымұлы жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

14.02.2021
0
1
950

Дала мамық, сана мамық,
Мамық күн,
Аяз келді көзіме өрнек салып тым.
Қаңтар туды,
Ескі жылды
Ұзаттық,
Мәртебесін биіктеткен халықтың.
Көрінсек деп ұмтылып-ек
Заңғардан,
Еркіндікті
Аңсап талай қарманғам.
Көксегенге қолым жетті,
Көксеңгір,
Қаһармандық туады екен арманнан.
Өткен жылға
Өкпеміз жоқ,
Ерледік,
Отауымда – тәуелсіздік!
Көр, келіп.
Дос табам деп қилы-қилы қиырдан,
Құлаштарды
Алыстарға сермедік.
Айтарлықтай жақсылыққа кенелдім,
Жұтаңданған
Тапшылыққа кенелдім.
Рухы мықты
Қалың жұртым мойымас,
Келер жылда жатса керек,
Кені – елдің.
... Жаңа жылда
Ырыздыққа бөленгін.

Әділбек Ыбырайымұлы дала мамық сана мамық Әділбек Ыбырайымұлы өлеңдері

Пікірлер (1)

Пікір қалдырыңыз

Жиі қойылатын сұрақтар