Өлең, жыр, ақындар

А нүктесі – алданған ақ арманым

  • 04.03.2021
  • 0
  • 0
  • 558
Бауыржан Қарағызұлына
А нүктесі – алданған ақ арманым,
Ә нүктесі – әттеңі көп жалғаным.
Б нүктесі... бақытымды іздеумен,
Ғ нүктесі... ғарыш жаққа самғадым.
Д нүктесі – дөңгеленген дүние,
Е нүктесі... еркімізге кім ие?
Ж нүктесі жолықтырмай бір жанға,
К нүктесі көкірекке мұң үйе
кете барды.
Қ нүктесі. Құладым.
Л нүктесі... лағыл жасты бұладым.
М нүктесі... мән таба алмай өмірден,
Н нүктесі... «неге?» болды сұрағым.
О нүктесі... ойым онға бөлінді,
Ө нүктесі өлшегенде сорымды.
П нүктесі – пәнидегі өкініш...
Р нүктесі... Рахымды Алла оңғара ма жолымды?
С нүктесі – сабыры бар жүрегім,
Т нүктесі – ақ таңдағы тілегім:
«Ү нүктесі... үзілмейтін үміт пен
Ш нүктесі, шыдам бер» деп жүремін.
...Көңілдегі күдігім мен секемім,
Мендік ғұмыр – тек менікі – жеке мұң.
Минут сайын қалтыратар жанымды
Алып ғалам алдында нүкте ғана екенім.



Пікірлер (0)

Пікір қалдырыңыз

Еркелейiн

  • 0
  • 0

Келшi, жаным, аңсарым, сағындырмай,
Құшағыңда жанайын, өртенейiн.
Сағыныштан сарғайған жаным бiр жай
Тауып, саған, арманым, еркелейiн.

Толық

Жарығыңды, жылуыңды ұсын, Күн!

  • 0
  • 0

Жарығыңды, жылуыңды ұсын, Күн!
Тағдыр деген – үзігі екен түсімнің.
Мен өмірге келген жоқпын, расында
Өмір маған келгендігін түсіндім.

Толық

Қуанта алмады-ау батса да кеш күлімдеп.

  • 0
  • 0

Қуанта алмады-ау батса да кеш күлімдеп...
Өзіңе оралғым кеп, үніңді естігім кеп,
Көзімді жұмып алып, күрсінем үнсіз ғана,
“Бес күндік жалғанымның ең тәтті бес күні” деп.

Толық

Қарап көріңіз