Өлең, жыр, ақындар

Аллаһ, Аллаһ!

  • 08.03.2021
  • 0
  • 0
  • 535
Аллаһ, Аллаһ!
Жараттың тәртібімен,
Көк орманды көктеттің әр түбінен.
Неше алуанын келтірдің мал түрінен.
Ал адамды бәрінен артығымен.
Ойлаттырдың, сөйлеттің, сезім бердің,
Махаббаттың кіршіксіз көзін бердің.
Ерлік, намыс, нәзіктік, төзім бердің,
Әуел бастан бәрін де өзің бердің.
Қалыптасып, өссе де ой-санамыз,
Кейін тартып тұрады кей шаламыз.
Жер бетінде өктемсіп өтсең-дағы,
Ал, Аллаһтың алдында бейшарамыз.
Аллаһ, Аллаһ, Бәрін де байыптаған,
Бір-біріне тірлікті лайықтаған.
Аллаһ деген Нұх та аман, қайық та аман,
Қара түнек Аллаһсыз айықпаған.
Қандай шебер қарасаң Алла ісіне,
Енші берген туралап әр кісіге.
Ал, пенделер өмірде кім болады,
Байланысты ол иман, ар күшіне!



Пікірлер (0)

Пікір қалдырыңыз

Жатжұртқа кеткен қызыңнан

  • 0
  • 0

«Жатжұртқа кеткен қызыңнан,
Есіктегі күң артық.
Үстіне киген жібектен,
Майдалап түткен жүн артық.

Толық

Ұстаз

  • 0
  • 0

Жақсылыққа қанатын жайған Дарын,
Екі әлемнің көрсеткен сайран бағын.
Өнегесін өмірдің айшықтапты,
Мұхаммет саллалаху пайғамбарым.

Толық

Өзімді айыптау

  • 0
  • 0

Шыдамсыз, төзімі жоқ, күйгелекпін,
Көмейге көп сөз жетер кимелеп тым.
Жадырап атқан таңдай жүре алмаймын,
Тартады түнегіне сүйрелеп түн.

Толық

Қарап көріңіз