Толқында тумағанмен, жағада ержеткендер

Толқында тумағанмен, жағада ержеткендер,
Сыңсыған аққу әні әлдилеп тербеткендер.
Інілер, аманбысың, армысың, ел деп келем,
Адамдық атын адал мақсатқа белгі еткендер.
Біздің жақ жігіттері мәрттікке енші берген.
Ұлдары туды ма ұқсап, таныссын, келші бермен.
Нарық деп, ақша қуып, жүр ме әлде мұрша жетпей?
Сақталса бір қасиет, атадан алыс кетпей...
Нағашы – ол да жұртың, жақсысы бекер кетпей,
Біреуі тартса, тартсын түп-түгел ұқсап кетпей!
Кешірер жақсы құда, әзілде шындығым бар,
Әке ізі өшпесін деп, Құдайға құлдық ұрам.
Ақ келін мен де атанғам, бір құтты босаға аттап.
Тілекші қыз дегенің, сіңісіп кеткен жатқа...