Космология немесе ұшқан рухты іздеу – Табиғат Абаилдаев

Бұл бетте «Космология немесе ұшқан рухты іздеу» атты Табиғат Абаилдаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 31.03.2021
  • 0
  • 0
  • 686
Таразым - Тұманды Альбион -
Мен түкті аңдамай адастым.
Батыстан гулеген желменен бірге ұшып,
Тұп-тура белінен құшыппын -
Алпауыт ағаштың.
...ғайыптан жоғалған өр рухы,
«Осында екен ғой»
деп қоям Алаштың!
Ысқырған жел тағы жетектеп әкетті жиекке,
(Өн бойым жеп-жеңіл, айналып кеткем бе, сүйекке?)
...мен кенет кейпіне ене қап білместің,
Бүкір - бел, түсініксіз тілде тек сөйлейтін,
Айменен тілдестім.
...уәдеден қажып та кеткен соң, құрғақ тым,
Жиектің еркесі - Ақбалтыр айға мен,
Былай деп тіл қаттым:
«Елші боп келгесін;
Арқалап келдім мен алты Алаш арызын,
Рухымды оятып алам деп
Тоздырдым кеңселер дәлізін.
Қолыңнан келсе егер,
Қазақтың өр рухын қайтару:
Ақмарал, ай бикеш, парызың!»
Ай:
«... тектілік тезіне көнбеген,
Жанының жарасын арзанқол күлкімен емдеген.
Қазақтың рухы астеройд кейпінде ұшып жүр,
Ауа жоқ аймақтың өзінде өлмеген.
Сұлтаны өлтіріп, ұлтаны жерлеген,
Метеорит күйінде ағызып жібердім,
Рухыңды жерге мен!»
...дәл қазір өзіме-өзім жат, бөтенмін,
Өзімді жоғалтып, өзгенің шашбауын көтердім.
Өзімді жоқ қылған өзгенің болмысын өлтіріп,
Өзімді қайтадан табар ма екенмін...


Пікірлер (0)

Пікір қалдырыңыз

Жиі қойылатын сұрақтар

Космология немесе ұшқан рухты іздеу өлеңінің авторы кім?

Табиғат Абаилдаев — осы өлеңнің авторы.

Космология немесе ұшқан рухты іздеу өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Космология немесе ұшқан рухты іздеу өлеңі не туралы?

Бұл өлеңде Табиғат Абаилдаев өз ойы мен сезімін көркем түрде жеткізеді.

Космология немесе ұшқан рухты іздеу өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері