Өлең, жыр, ақындар

Сұрақтар

  • 07.04.2021
  • 0
  • 0
  • 626
Ағайынды жақтағанда не таптым —
Шатағын шыдай берген төзім бе?
Достар сені мақтағанда не таптым —
Суып тынған ақырында сезім бе?
Өлең, сені жаттағанда не таптым —
Елден безіп, бөлектенген кезім бе?
Сұлу, саған жан пида ғып не таптым?
Тоқта, Сәке, торықпағын, езілме.
Ағайынды жақтағаннан
Аға болдың бұл күнде.
Өлең жаттап, ұмыттың ба,
Сөйлеп едің мың тілде.
Дос сағына өмір сүрсең,
Досың табар түбінде.
Сүйе білсең өкініш не,
Жұмаққа ендің со күнде.
Сенің қатең басқа болар,
Жырланбапты Тәңірің.
Ойға алмай жер-жаһанды
Жаратқанның өмірін.
Тайталасып Табиғатпен,
Талай күнә мойында.
Жетпіс жылдық ессіздікте,
Құдайсыздық тойында.



Пікірлер (0)

Пікір қалдырыңыз

Қарттық

  • 0
  • 0

Шақырса жұмбақ ғалам мұнарлана,
Аңсапты көкжиекті құмар бала.
"Арман тау" айналды енді төбешікке,
Қажеті азғантай-ақ шыдам ғана.

Толық

Бас кәсіп

  • 0
  • 0

Зәтiм қазақ тамыры тереңдегi,
Әлiмсақтан мал бағып, жер өндедi.
Аңыз айтып, термелеп, жырлап өткен,
Кәсiбiнiң бастығы өлең бе едi?!

Толық

Сезім

  • 0
  • 0

Сезім... Сезім — мәңгі жас көктембісің?
(Табынтады тірлікті көктем — күшің!).
Аяйтын ем мезгілсіз бүр жарғанды,
"Көктем сезім" күзінде шеккенді шын.

Толық

Қарап көріңіз