Өлең, жыр, ақындар

Сағыныш

  • 07.04.2021
  • 0
  • 0
  • 756
Халқымыз 250 жылдан астам киген бодандық қамытынан құтылған шақта, өзінің төл қасиетіне деген сағыныш сезімін елдің елдік қасиетін бойына жинақтаған Дарабоздарға арнаған асы мен тойы арқылы бейнелеп жатыр.

Сағынады кәрісі бар, жасы бар,
Нақ сағыныш қырдан қырға асырар.
Бір сағыныш жан күйдіре өртесе,
Бір сағыныш бір-ақ сәтте басылар.
Сағынды елім Ана тілін сайраған,
("Ана тіл" деп қойды атын қай бабам?).
Сағынды елім мөлдір тұнық бұлағын,
Қаптағанда өгей сөзге айналам.
Сағынды елім хандарын да "қарасын",
Тапқан кезін әке, бала жарасым.
Сағынды елім әулиесін, әздерін,
Демейтұғын ақсың, қоңыр, аласың.
Туған жерде сыбағадан бос қалдық,
Кішік болып кез-келгеннен жасқандық.
Сағынды елім батырларын топ жарған,
Сағынды елім сондықтан да бостандық.
Той өткізсе дарақы деп ар көрме,
Ей, ағайын, өткен күнге сал зерде.
Бар сағыныш — бітеу жара жарылып,
Той боп, ас боп өтіп жатыр бар жерде.



Пікірлер (0)

Пікір қалдырыңыз

Мен ерекше діндармын

  • 0
  • 0

Құдайсызға айналар пенде неден?
Діндар тәуір деп жүргем өңгелерден.
Оңым, солым қаптаған Құдайсыздар,
"Дінсіздер" де жетерлік дінге сенген.

Толық

Күлдіреуіш

  • 0
  • 0

Қасиетті қазақтың шаңырағы,
Сан сырыңды, құпия, таныр әлі.
Талай ғасыр сарқылмай сені жырлап,
Саз сыйлайды қазақтың қоңыр әні.

Толық

Өлең

  • 0
  • 0

– Өлең сенің анаң болса қайтер ең?
– Өмір бойы ардақтаумен өтер ем!
– Өлең сенің жарың болса қайтер ең?
– Өмір бойы арын қорғап өтер ем!

Толық

Қарап көріңіз