Өлең, жыр, ақындар

Сұр аспан көзінен жас парлап

  • 09.04.2021
  • 0
  • 0
  • 764
"Я хотел бы жить, Фортунатус, в городе, где река высовывалась бы из-под моста, как из рукава -- рука..." И. Бродский

Сұр аспан көзінен жас парлап,
Күз келді, кетті ұшып қасқалдақ.
Табанға тапталды сарғайып,
Ағаштың басынан қашқан бақ.

Төңірек түнерген қорымдай,
Көңілсіз болмағам, о, мұндай.
Мазаны қашырған жел үні,
Соңы жоқ сайтанның хорындай..

Қуарып шаттығым қаулаған,
Күн, әне, төбемнен аунаған.
Дірдектеп тағдырдың желіне,
Жалаңаш үмітім жаураған.

Белгісіз сен қандай жайдасың,
Сүреңсіз күз болды райласым.
Адаспай келерсің қайтадан,
Қасқалдақ-бақытым қайдасың?

Көбейіп жүргенше мұң-налам,
Көшейін,
қажытты сұр ғалам.
Бродский аңсаған қаланы,
Қайда екен, айтады кім маған???

03.10.16



Пікірлер (0)

Пікір қалдырыңыз

Өмір — өлім

  • 0
  • 0

Босаған құмсағат — ғұмырың,
Ақтық дем — түйір құм ең соңғы.
Мен үшін екеуі — бір ұғым
Өмір де, өлім де белсенді!

Толық

Беатриче

  • 0
  • 0

Беатриче, о, сондай сұлу ма едің,
Болмаған түрің менен үніңде мін?!
Данте дамыл көрмепті өзіңді аңсап,
Құштар болған, ақынды,білуге кім?!

Толық

Ұзақ күннің батырдым тағы бірін

  • 0
  • 0

Ұзақ күннің батырдым тағы бірін,
Ойларымның сен жайлы бәрі бүгін.
Ертең тағы ойлаймын жалғыз сені,
Солай тағы өтеді ары күнім.

Толық