Әбілда Аймақ

Бірдеңе қосатындай көшіңе мен

Бұл бетте «Бірдеңе қосатындай көшіңе мен» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.04.2021
0
0
558

Бірдеңе қосатындай көшіңе мен,
Жындымен жынды болдың, есіл өлең.
Әркім тартқылаған төсіңе мен,
Жармасқанмен шандырдың несім емем?
Абайдан мынау әлем артылмаған,
Олардан аса алмаған салтың жаман.
Қалғанын Мұқағали жиып-терген,
Мәлім боп қалды бүгін артың маған.
Сен едің текті ақынды оңдырмаған,
Мен бе екем жон арқасын жондырмаған.
Керегі көген еді маған-дағы,
Несіне өлең шіркін қондың маған.
Міз бақпас айдындағы қалтқы-қалам,
Білмеймін, нені өмірден арттыра алам?
Менің де сен қызығар ештеңем жоқ
Көш кейін қу төсіңді тартқылаған.

1995 жыл, қыркүйек

Әбілда Аймақ бірдеңе қосатындай көшіңе мен Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар