Бәрі бекер – Сәкен Иманасов

Бұл бетте «Бәрі бекер» атты Сәкен Иманасов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 02.05.2021
  • 0
  • 0
  • 2775
Қыдырып, қыз-дүние, тізіле көш,—
үздігіп көрген жоқпын үзіп өңеш,
мүмкін-ау үдеуі де,
жүдеуі де, —
мен үшін біреуі де қызық емес.
Қаншама жасырғанмен ізін қайғым,
тұра ма — құдай ұрса бұзылмай күн,
түңіліп түбі терең тіршіліктен,
бүлініп,
бұрынғыша қызынбаймын.
Асығып,
осыншалық аптыққанда,
жүрегің жұбанардай таптық па арна?
Көңілдес ағайынға сөз салар ем,
көрінбес көз ұшында шаттық бар ма?
Кім менің отымды алған іргедегі?
Білмедім,
тілім неге күрмеледі?
Ойыңа осындайлар түскен шақта,
бойыңа күш-қуатты кім береді?
Жалықпай,
жанды қинап,
бекері не,—
сөз айттым жете ме деп жетеліге,
Өз елің,
өзеніңнен басқалардың
көз жетті — бәрі бекер екеніне!


Пікірлер (0)

Пікір қалдырыңыз

Жиі қойылатын сұрақтар

Бәрі бекер өлеңінің авторы кім?

Сәкен Иманасов — осы өлеңнің авторы.

Бәрі бекер өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бәрі бекер өлеңі не туралы?

Бұл өлеңде Сәкен Иманасов өз ойы мен сезімін көркем түрде жеткізеді.

Бәрі бекер өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері