Өлең, жыр, ақындар

Біледі не дерімді ел де менің,

  • 28.05.2021
  • 0
  • 0
  • 468
Біледі не дерімді ел де менің,
бет ауған жаққа лағып,
желдемедім, —
түбінен құлағымның ес кіргелі,
қаншама естілмеді көлденең үн.
Бұзылмай баяғы ырғақ, бұрынғы әнім,
бой салып, біреуіне бұрылмадым.
жеткізіп жетеліге өз үнімді,
қаншалық төзімімді шығындадым.
Өзгере қоймағанға өмір әлі,
жанарым жасқа толып, шомылады.
Үймеді боқ дүние басыма бақ,
тимеді қызықтың да молырағы.
"Бұл мақұрым қалмағыма кім кінәлі?"
біле алмай мен де соны жүрмін әлі,
жаныңа бата түсер
күндеріңнің,
тұлдырсыз түндеріңнің сырғығаны.
Сөзімнің бұзбайын деп бұрынғы әрін,
орынсыз өзімді өзім шығындадым.
Біледі ел не дерімді,
өнерімді,
біледі қаншалықты қырым барын.
Бір ауыз естіле ме еңіреп үн,
біледі ел не дерімді тегі менің,
Тағы да өзімді өзім байқағым кеп,
жылы сөз айтамын деп келіп едім.



Пікірлер (0)

Пікір қалдырыңыз

Қадір

  • 0
  • 0

Ас қадірі білінер – ашыққанда,
Дос қадірі – дұшпаның жасытқанда.
Махаббаттың не екенін, шаршап, талып,
Сәкен Иманасов

Толық

Біреуіне исіндім

  • 0
  • 0

Біреуіне исіндім,
біреуіне исінбей,
біреуіне сүйсіндім,
біреуіне сүйсінбей,

Толық

Бір сен деп қайда ғана бір кетпедім

  • 0
  • 0

Бір сен деп қайда ғана бір кетпедім,
бүрсеңдеп боранда да дірдектедім,
Қаншама жырымды да саған жазған
қалтамда сақтай-сақтай кірлетпедім.

Толық

Қарап көріңіз

Басқа да жазбалар