Иса Байзақов

Үшінші желдірме

Бұл бетте «Үшінші желдірме» атты Иса Байзақов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.11.2015
0
0
3477

Гүлденген Қазақстан кең даласы,
Кен шөккен өндірісті айналасы,
Ақ күміс алтын арай жент секілді
Елімнің, міне, қандай тамашасы.

Дариядай шалқып жатыр бізде мұнай,
Мол байлық мұнай алқа жанарындай,
Қарсақпай, Қарағанды, айдын Балқаш
Қайнардай кен береді тыным алмай.

Риддер, алтын Алтай тасын өрген,
Сүзбелеп суынан да алтын терген,
Қалбаның қойны-қоншын кені басып.
Бәрі де қазан шұңқыр оған төнген.

Осындай өндірісім тағы талай,
Шаттықпен өскен елім, міне, осындай.
Нормасын екі-үш есе орындатып,
Рапорт Сталинге берді талай.

Иса Байзақов Иса Байзақов өлеңдері

Пікірлер (0)

Пікір қалдырыңыз

Жиі қойылатын сұрақтар