Өлең, жыр, ақындар

Итке де қалай ғана: "Үрме!" — дейсің

  • 31.05.2021
  • 0
  • 0
  • 542
Итке де қалай ғана: "Үрме!" — дейсің,
жабасың кімнің аузын, бүрмелейсің,
көмейін тығындар ең,
"мығымдар" ең,
түгің жоқ тілден басқа, тұл кедейсің!
Түңілу,
торығу ма,
жүгініс пе,
жарамай тілің түгіл,
ділің іске,
айта алмай атынды да,
"датыңды" да
қалың ой қалып жатыр бұғып іште!
Дерсің-ау: "Ел көзіне толымды ер ек,"
жатқан да кім бар бірақ оныңды елеп.
Ет-жақын ағайынның өзіне де
бұл күнде жолың емес, қолың керек!
Атар ма деп те бір таң арайлы әппақ,
жүргенің тәтті үмітке қарайлап қап,
жоймақсың көбік ауыз көпті қалай,
қоймақсың ел аузына қалай қақпақ?
Қайда да қадіріңді білер ерсің,
"Қой!" — деп те
кімге барып тіленерсің,
қайтесің "сөйлегіштер" сөйлеп қалсын,
иттер де
үрем десе —
үре берсін!



Пікірлер (0)

Пікір қалдырыңыз

Бірден асып, біреуден жүрдік пе кем?

  • 0
  • 0

Бірден асып, біреуден жүрдік пе кем?
Тәтті екен-ау, дүние-ай, тірлік деген.
Жақсы екен-ау жұмыс та күнде асығып,
Шаршап-талып жүрсек те бір бітпеген.

Толық

Текті де едім

  • 0
  • 0

Текті де едім,
кешелер бетті де едім,
билікке де біршама жетті қолым,
Ақылым да бар еді (кімге бірақ

Толық

Сен түгіл

  • 0
  • 0

— Сен түгіл,
ал ар еді көкми ұғып,
қалайша түсінбейсің!— деп түйіліп.
Апыр-ай, ауыр-ауыр сөздер айттың,

Толық

Қарап көріңіз