Өлең, жыр, ақындар

Қарақат көз, қарағым, мойыл – жанар

  • 22.06.2021
  • 0
  • 0
  • 2192
Қарақат көз, қарағым, мойыл – жанар,
Қандай жiгiт қалаулы ойыңда бар?
Он сегiзге жеткенше ойын болар,
Он сегiзден өткен соң тойың болар.
Тойың болар,
Той кешi думан болар,
Жаның, тəнiң өртенiп, құмар қанар.
Ал сонан соң,
көз алдын көлегейлеп
көшкен көңiл орнында тұман қалар,
Бiрақ мұны жас кезде кiм аңғарар?
Қызғалдаққа қырмызы ұқсап өңiң,
Үлбiрейсiң үзiлiп қыпша белiң.
Жүрегiмде жүз үмiт күрсiнедi,
Жай-күйiмдi, жаным-ай, ұқсаң едiң.
Ұқсаң едiң,
ойымнан шықсаң едiң,
Жабығады-ау жас жүрек жықса көңiл.
Дерттi жүрек, өлеңшiл өрттi жүрек
Айығар ма арудың жұтса лебiн?..
Ақ қанатты желкенше жайып келiп
Айдыныма қонып ең лайық көрiп,
Алданышы көңiлдiң, аққуым-ай,
Қолдан ұшып кетпешi ғайып болып?!



Пікірлер (0)

Пікір қалдырыңыз

Сыңси ма, əлде, сарнай ма-ау?

  • 0
  • 0

Сыңси ма, əлде, сарнай ма-ау?
Қанаттары да талмайды-ау,
Қапыда келіп килікті
Қарақтарыма қандай жау?..

Толық

Қас-қабағың, шырайың

  • 0
  • 0

Қас-қабағың, шырайың –
Менiң ауа райым.
Ашық күнiн аспанның
Бiр Алладан сұрайын.

Толық

Көшкенде жылқы айдаймын аламенен

  • 0
  • 0

«Көшкенде жылқы айдаймын аламенен,
Аулыңа барушы едiм даламенен...»
...Меңдетiп мезгiл оғы кеттi ме екен,
Жанымда ыңырсиды жаралы өлең.

Толық

Қарап көріңіз

Басқа да жазбалар