Өлең, жыр, ақындар

Шəркез уға шаркесем толы бiлем

  • 16.07.2021
  • 0
  • 0
  • 731
Шəркез уға шаркесем толы бiлем –
Сарғайып өң,
Барады солып iрең.
Қарайғанға ұрынып..,
Қарап жүрмей
Қашан ғана мен саған жолығып ем?!
Сағыну ма,
Бiлмеймiн, жабығу ма,
Тəнiм дертiп, шөлдедi жаным уға.
Жайымды айтып,
Көзiмнен жас парлатып
Жаратқанға бейiлмiн жалынуға.
Алма-кезек астасып уайым, налу,
Қапалану, түңiлу, қайыл қалу..,
Шара таппай қиналған кездерiмде
Шарапаттай жарылқар жайылған у.
Айта алмаймын мен сенi Перi қыз деп,
Перi қыз деп адасқан жерiмiз көп…
Сау бастағы сақинам былай тұрсын,
Сенделедi жүрегiм серiк iздеп.
Уа, дариға!
Дəргүмəн кiм едiң сен?
Жай-күйiмдi қайтедi бiле жүрсең?
Өзiң түгiл, зар болдым көлеңкеңе,
Көлеңкеңдi көрсетшi?
Тiлегiм сол!



Пікірлер (0)

Пікір қалдырыңыз

Қысқы көңіл

  • 0
  • 0

Үміттің у мен зəрдей ішіп көлін,
Қиялдың қияндағы құшып көгін,
Аялсыз тіршілікке айла таппай
Ұлиды ақ боранда күшік-көңіл...

Толық

Көркiң-ай, көркiң, беу, сенiң!

  • 0
  • 0

Көркiң-ай, көркiң, беу, сенiң!
«Көрсем-ау, шiркiн...» деушi едiм.
Ай шығады екен аспанға,
Батысқа балқып енсе Күн.

Толық

Сен өзiң түрлi-түрлi-түрлi екенсiң

  • 0
  • 0

Сен өзiң түрлi-түрлi-түрлi екенсiң,
Мiнездi түрлi-түрлi кiм көтерсiн.
Ақынды ақылынан адастырып,
бiр күнi бұл күйiңмен жынды етерсiң.

Толық