Өлең, жыр, ақындар

Қартаю, өмір

Қазақша өлең мәтіні, өлең жолдары және толық нұсқасы.

  • 20.07.2021
  • 0
  • 0
  • 1066
Қартаю, өмір...
Ортаю көңіл...
Өзімнен өзім қорқайын дедім.
Кетті ме екен желге ұшып желік,
Өтті ме екен бар тойым менің?..
Жүректі неге уайым басты?
Жүзімнен неге шырайым қашты?
Тағынан Тəңір таймаса егер,
Тағы да бірер сұрайын жасты.
Жүрегім, жаным...
Кезек емделе,
Тартады кейін кежегем неге?
Жетпек пе бір күн түбіме менің
Жебесін улы кезеген неме?..
Қанатым талып,
Сынғандай қарым,
Қалғандай қаңсып тұнған қайнарым...
Жалғанын күннің,
Солмағын гүлдің
Жатқанда ойладым,
Тұрғанда ойладым...
Көзімнің алды көртұманданып,
Көкейге шерді толтырам нағып?
Ау-жайын күннің кеш білдім бе, əлде,
Əуелі күліп,
Артынан налып?
Қартаю...Өмір...
Ортаю көңіл...
Өзімнен-өзім қорқайын дедім...


Пікірлер (0)

Пікір қалдырыңыз

Жиі қойылатын сұрақтар

Қартаю, өмір өлеңінің авторы кім?

Исраил Сапарбай — осы өлеңнің авторы.

Қартаю, өмір өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Қартаю, өмір өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Қартаю, өмір өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері