Өлең, жыр, ақындар

Ай сəулесі

  • 20.07.2021
  • 0
  • 0
  • 389
Адыра қап адырлар атан кеуде,
Көкжиекке Күн байып батар демде.
Ақ төсекте өртенген арудайын
Ай сəулесі шомылып жатар көлде.
Сылқымын-ай, сұлудың суда ойнаған!
Бүлкілін-ай жүректің гүл жайнаған!
Табиғаттай айналдым суретшіден
Айдың бетін алтынмен шимайлаған!
Оңашаны жандай бір олқысынған
Желпінеді желемік оң тұсымнан.
Су бетінде ойнаған мың-сан теңге
Тоғжан қыздың аумайды-ау шолпысынан!
Осыншама ғажайып жарасымға
Қанасың ба қас қағым арасында?!
Қолды-аяққа тұрмайтын жас баладай
Қойып кеткің келеді қара суға!
Селк ете ғап секемшіл атырабы,
Тігісінен қара су қақырады!
...Əлімсақтың əуесек əуізінде
Ай сəулесі шомылып жатыр əлі...



Пікірлер (0)

Пікір қалдырыңыз

Зейнолла Қабдоловқа

  • 0
  • 0

Жетпіске келгім келген жоқ –
Желкеме мінді жер мен көк.
Серқайрат күндер, қайдасың
Серілік құрған серуендеп?..

Толық

Ұшқыр еді, ғұмыр

  • 0
  • 0

Ұшқыр еді, ғұмыр,
Қанатың қандай ?!
Жанның бəрі бүгін
Жаңа туғандай.

Толық

Мұң мен Шаттық алмасады, Гүлмарал

  • 0
  • 0

Мұң мен Шаттық алмасады, Гүлмарал,
Көңіл гүлін қар басады, Гүлмарал.
Аспан, Жерде бірін-бірі ала алмай
Өмір, Өлім арбасады, Гүлмарал.

Толық

Қарап көріңіз