Өлең, жыр, ақындар

Тағдырымның тəтті уын таттым мен де

  • 22.07.2021
  • 0
  • 0
  • 380
Тағдырымның тəтті уын таттым мен де –
Таң алдында талаурап баттым көлге.
Бармағымды шайнаған күнім қанша,
Арманымды айта алмай ақ түндерге?..
Батқан көлдің тұншығып түбінде мен
Күндеріме қош айттым күлімдеген.
Айналамда қаптап жүр алтын балық
Қармағыма кешегі ілінбеген.
Көл түбіне баттым мен оралмасқа,
Енді маған өмір жоқ одан басқа.
Фəни көркі көңілден көшеді екен,
Көз алдымда «бар» менен «жоқ» алмасса.
Көштім мен де көп кеме шөккен көлге…
Мен көшті деп дүние шектелген бе?:
Сарала күз,
Сары аяз,
Сарша тамыз,
Бізден сəлем айтқайсың көктемдерге…



Пікірлер (0)

Пікір қалдырыңыз

Жүрегім...

  • 0
  • 0

Дей жүріп қыз-қырқынға: «жаным, жаным...»
Қайткенің қапылыста қабынғаның?
Жазбаушы ең жайшылықта жүрісіңнен,
Апырай, жаңылғаның нағылғаның?

Толық

Алма бақ, бұрынғыдай сəнiң кəнi?

  • 0
  • 0

Алма бақ, бұрынғыдай сəнiң кəнi?
Елiгiм неге iшiңнен табылмады?
Шынымен көкiрегiме көшкенi ме
Апайтөс Алатаудың қалың қары?

Толық

Желтоқсан

  • 0
  • 0

Құстар көшіп барады түзде шұбап...
Көшпей, қонбай келеміз біз де шыдап.
Саусағыңды тарбиған көкке жайып,
Көз жасыңды көзімше үзбеші, бақ.

Толық

Қарап көріңіз