Тағы бір гүлім солды ғой – Исраил Сапарбай

Бұл бетте «Тағы бір гүлім солды ғой» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 22.07.2021
  • 0
  • 0
  • 792
Тағы бір гүлім солды ғой,
Тағы бір күнім өлді ғой.
Баяғы қазақ - сол қазақ,
Баяғы Құдай – сол Құдай!
Қанша жыл салдым араға…
Жаңарған – жалғыз замана.
«Ананың көңілі балада,
Баланың көңілі далада».
Алтын ба,
Жез бе,
Қола ма –
Көргенге көңіл тола ма?
Əурелі күндер қала ма?
Сəулелі күндер бола ма?
Қанаты сынық, Шағала,
Сабала көлді, сабала!
Шағала – менің көңілім,
Түсесің қашан сабаңа?
Көз сатпай арғы жағаға,
Жағадан арғы Далаға,
Барыңды сен де бағала,
Жоғыңды сен де шамала.
Сарайдың іші самала,
Маңайдың түсі сарала.
Салбауыр бұлт, салқын күз
Санаға салмақ сала ма?..
Тұз сеуіп жанды жараға
Жағадан жауым ала ма?
Кəззəптің кəсіп, нəсібі
Азаптың алды ғана ма?
Саламын сауал данаға,
Саламын сауал санама:
Біздің де жүйрік шаба ма?
Біздің де жұлдыз жана ма?
Маңайды маңғаз шолғымай,
Қарайды көктен солғын Ай.
Баяғы қазақ - сол қазақ,
Баяғы Құдай – сол Құдай!


Пікірлер (0)

Пікір қалдырыңыз

Жиі қойылатын сұрақтар

Тағы бір гүлім солды ғой өлеңінің авторы кім?

Исраил Сапарбай — осы өлеңнің авторы.

Тағы бір гүлім солды ғой өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Тағы бір гүлім солды ғой өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Тағы бір гүлім солды ғой өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері