Азаматым – Тұрсынхан Әбдірахманова

Жерім жоқ әсте өтірік көлгірсіген,
Өзге ойым жоқ пікірімді ел білсіннен.
Ерекше даралаймын азаматты
Танылып жүрген ерек елге ісімен.
Айтулы ол азамат Иманғали
Іс мәнін көріп жедел білген тани.
Ең жүдеу бүгін қазақ ауылы еді
Қынжылып жүретін жұрт іштен нали.
Доп басып халық ойын танығандай
Намысын әр әкімнің жанығандай.
Премьер-министр боп келісімен
Ауылдан бастады істі жаны қалмай.
Әр аудан, әр ауылды көзбен көріп,
Тереңдеп іс мәніне бойлай келіп,
Қиынның кілтін тауып, кең зерделеп,
Көтерді ел еңсесін енбекке өріп.
Жариялап жедел соны бағдарлама
Бұрды ол ауыл ісін жаңа арнаға.
Сілкініп рухани өсіп халық,
Іске асып жатыр алға қойған шара.
Шешіліп шиеленген талай түйін,
Халықта көтерілді түскен иін.
Бастаған азаматын елі қостап,
Әлі де алынбақ шың талай қиын.
Естиміз әрбір істе алға басу
Жаңа іс жаңа жеңіске ұласу.
Сәттілік әр ісіңе тілей тұрып
Арнадым, жан бауырым, жырдан шашу.
Әр ауыл, әрбір үйде қазақ отын
Маздата бер жайсаңым, текті затым.
Елі үшін от, оқпаннан тайынбайтын
Денін сау, аман жүрші азаматым.

04.07.2002 ж.