Әминаға

(70 жылдығына)

Жетпісің мынау мерейлі
Құтты болсын, Әмина.
Талайың өсіп, тау болып,
Бақытқа толсын жан ұя.
Қазақтың бір қызысың,
Халқы үшін жаралған.
Елімізді асып есімің
Әлемге бүкіл таралған.
Шықтың жастай жалындап
Қанатында ойнап өнердің.
Енбегің бар сан сала,
Халқыңа десе не бердің.
Ұстаздық еттің жалықпай,
Қызына қазақ үлгісің.
Ыбырай салған ізбенен
Жалғадың ғылым үрдісін.
Имандылыққа бой ұрып,
Хақ үйін көрдің құм асып.
Сен салған үрдіс бүгінгі
Ертеңмен жатар ұласып.

14.05.1998 жыл.

---