Құттықтау – Тұрсынхан Әбдірахманова

Адам боп бұл өмірге келгеннен соң,
Азамат боп қатарға енгеннен соң,
Шарықтап арман құсы аспанды аңсап,
Кетпей ме шарлап қанат кергеннен соң.
Ондайда ойға оралар небір асыл
Болса деп көңілдегім түгел ғасыл.
Тілейді тағдырынан, талпынады,
Домалай берсе дейді өрге тасым.
Жар сүю, бала сүю алғашқы арман
Мол тұрмыс, мамыр ғұмыр тосса алдан
Атақты болу, тағы небір тілек
Өрбиді жерді қойып асқар барған.
Адамның арманында шек болмайды
Еш нәрсе әрекетсіз тек болмайды.
Талпынып талаптанып жетеді өзі,
Зор бақыт өзі аспаннан кеп қонбайды.
Теміке, сізде бәрі бар осының,
Шырағы болдың тіккен өз қосыңның
Бар еді бір арманың ол да болды
Берді Алла тілегіңнің ең тосынын.
Әлде бір олқың бар жан сияқтанып,
Жүруші ең ой түкпірін жиі актарып
Арманың Ахан келді дүниеге
Оныңнан айың туды қияқтанып.
Ал осы қуанышың құтты болсын,
Арнадан асып ылғи кемің толсын.
Не дейін жас нәресте алдын орап,
Ордаңа бақыт құсы болып қонсын.
Қайролла, Айнагүлжан айналайын,
Нәрестең нұрын құйған болсын айың.
Сен бұзып, Аханды өмірге әкелдіндер
Қуанды шын көңілден бар маңайың.
Бәтима балбұл жанған бал бәйбіше,
Алла не берсе соны көрдің місе.
Ақ тілек арманыңа жеттің міне,
Өмір кеш үріп төгіп, шайқап іше.
Бақытты болыңыздар тілектеспін,
Ордаңның ырысы асып, өркені өссін.
Ұрпағың өрбіп кеңге қанат жайып,
Бақытты шат-шадыман ғұмыр кешсін.