Ләзиза – Тұрсынхан Әбдірахманова

Жақсы дос, жаны құрбы Ләзизасың,
Тәнтімін маған ерек ықыласың.
Достыққа жаны ынтық жан екенсің,
Басыңа бақ-талай боп нұр құласын.
Көр дедің ескі қоныс — жаңа үйімді,
Ұғындым ниетіңді жан сүйінді.
Адамның ішін барлар сұңғыласын,
Әркімге көрсетпейсің бұл сыйынды.
Алдыма алып астау шеке қойдың,
Ризамын ықыласыңа әбден тойдым.
Тектіден өрген ерек ұрпақсың-ау
Деп іштен түйіп мен де толғап қойдым.
Әр ісің көңілімде тапты ұнасым,
Сондықтан менің де ауды ықыласым.
Жамандық көрмей жаның нұрлы өмір кеш
Кірпияз қыран мінез текті Ылашын.

22.08.2001 ж.