Өлең, жыр, ақындар

Жүрегім

  • 03.09.2021
  • 0
  • 0
  • 517
Тіршіліктің ақтарып сап сандығын
ауыр саған сезіп, білу барлығын
Зұлымдықтың, сатқындықтың салмағы,
неге саған түседі екен, жалғызым!?
Кетеді өмір сабақтары сұрыңды ап,
өте алмайсың деп қасынан бірін жат.
Ата-анадан безіп шыққан сорлыны
темір қолы тұрды сені сығымдап.
Шаттығыңның көзі болмай тыныш күн,
қуанта алмай ұлы күні ұлыстың
сәби керіп лақтырылған далаға,
тоңған күзгі жапырақтай бүрістің.
Жоғалады жанарыңнан бар шуақ,
өзегіңе у тамады тамшылап.
өліп бара жатса ормандар өртеніп,
өліп бара жатса теңіз қансырап.
Болып кенет үміт нәрсіз, арман сап,
үздігесің өр намыс пен арды аңсап
ой-санасы бір-ақ тұтам жандардан
ана тілім жәбір көріп қалған шақ.
Арай құйып тұрса да аппақ арманың,
қауіптерге толы ылғи жан-жағың.
ойсыз біреу бас қатырып жатпастан,
ойнап тұрып сұғып алды қанжарын.
Күндерімнің бірі кетіп, бірі кеп
ауыртса да түйреп алар мың рет
сан майданнан алып шығып келесің,
қан жоса боп жүрек деген құдірет...



Пікірлер (0)

Пікір қалдырыңыз

1991 жылы Ақтау қаласында өткен тіл мерекесінде оқылған өлең

  • 0
  • 0

Ана тілім — арман тілі, ар тілі,
тиген қилы замандардың салқыны.
Орыстардың орманында өртеніп.
озбырлықтың жалын оты шарпыды.

Толық

Өлшем

  • 0
  • 0

Өлшемі бар дейді ғой бәрінің де өмірде
сүю менен сыйлаудың, ашу менен наздың да.
Шартты бәрі — адалдық, ізгілік те, сенім де,
бола алмаса егер сай санаң түйген мазмұнға.

Толық

Таскескенде

  • 0
  • 0

Жөн сұрасып, жалпылдап халді ұғысқан
таныстар мен шу еккен бар дыбыстан
жасырына жылт етіп шыға келіп,
балалығым қарап жүр әр бұрыштан.

Толық

Қарап көріңіз