Өлең, жыр, ақындар

Балама тілек

  • 04.07.2020
  • 0
  • 0
  • 12125
Тіршіліктің азабын аз тартқам жоқ мен,
Күнім,
Денсаулықтан төмен тұр өмірдегі теңдігім.
Бүйірімнен түртеді сол ақауым кейбірде,
Жарытымсыз бір сәтті іске келе қалса кергігім...
Тіршіліктің азабын аз тартқам жоқ мен, күнім,
Мұқалғам жоқ, әйтсе де,
Болар ма сол ерлігім...
Әйтседағы есем бар содан кеткен өмірге,
Сен болмасаң,
Толтырар ол есемді енді кім...
Сұрайтыным сондықтан –
Күнім менің, ауырма!
Тоңдырмайтын боранда, әл бермейтін дауылда
Серік болсын өзіңе денсаулық пен өр талап
Белдерінде өмірдің, арман-тілек тауында.
Көрсеңдағы өмірдің қанша, суық, ыстығын,
Көлеңкем боп қалма сен,
Менен биік ұш, күнім.
Қадамыңды нық бассаң алаңдамай, сеніммен
Қуат алам мен содан,
Сонда мен де күштімін.
Тіршіліктің азабын аз тартқам жоқ мен, күнім,
Анаң жайлы жадағай болмас бірақ сенде ұғым.
Сенен күтер үмітім ортаймайды еш менің
Бір өзіңмен толтырам істерімнің кемдігін.
Сен жылтасың жанымды, жылытса егер Жерді-Күн,
Сен – бақытым, қызығым,
Сен – аналық теңдігім.
Өмірім де ертеңгі, үмітім де өзіңсің –
Әрқашан да ұш биік, денің сау боп, сен, күнім!



Пікірлер (0)

Пікір қалдырыңыз

Алтынай

  • 0
  • 0

Айдың нұры арқалаған сан арман...
Ай нұрында сұлулық бар сан алуан,
Саған деген көңілімнің іңкәрі
Айдың аппақ сәулесінен жаралған...

Толық

Көңіл мен өмір

  • 0
  • 0

Бас бүтін, мал түгел, тек сенімге ерген,
көңілі жай — сирек болар мұндай кісі.
Сыртынан мығым, бүтін .көрінгенмен, -
бар шығар көп адамның бір қайғысы.

Толық

Туған үйді сағыну

  • 0
  • 0

Ортаның іздемеймін шу, дабырын
әкелгендей өзгенің думаны мұң.
Тыныштық жаным менен маңайымда,
мен бейне соның жалғыз туғанымын.

Толық

Қарап көріңіз