Өлең, жыр, ақындар

Сәскеде түскен сәулемін

  • 12.09.2021
  • 0
  • 0
  • 621
Барып қайтамын ойменен,
Кешегі өткен күніңе.
Айналсам деймін кейде мен,
Көне таныстың біріне.

Жүйкеңді біреу жұқартып,
Жаныңды біреу жаралап.
Жүрекке біреу жүк артып,
Біреуі топтан алалап.

Қараған болар қыз біткен,
Жұлдызы жанған жігіт деп.
Көрінер ме деп биіктен,
Үлкендер күтіп үміт көп.

Көбінен достың көңіл қап,
Жабыққан талай шығарсың.
Барымта өмір мені ұрлап,
Қайтарды деп ұғарсың...

Басталды енді дәуренің,
Өзгені алма ойыңа.
Сәскеде түскен сәулемін,
Таралып кеткем бойыңа!


Пікірлер (0)

Пікір қалдырыңыз

Қызыл жапырақ

  • 0
  • 0

Көшіп жатыр бір дәурен,өтіп жатыр басымнан.
Сыңғырлатып керуенін ұзап барад қасымнан.
Күз дегенің не тәйір,
Қоштастым ғой сізбен де.

Толық

Мен кім едім

  • 0
  • 0

Тамшысы едім Қанас дейтін көлдің мен,
Жаршысы едім Ағажайдай елдің мен.
Бабалардың көздерінің қарасы ем,
Атажұртқа жете алмай телмірген…

Толық

Қаралы күн

  • 0
  • 0

Алатаудың ақ бас шыңы кетті бүгін қартайып,
Ұясынан шықпай күн де жатып алды жантайып.
Жердің шетін қорғайтұғын, желдің өтін тосатын,
Қорғанынан көз жазды ел тұратұғын қалқайып.

Толық