Өлең, жыр, ақындар

Алматыға көктем келді

  • 12.09.2021
  • 0
  • 0
  • 893
Алматыға көктем келді
Қуантады кімдерді
Табыла ма бұл көктемнен
Өткен шақтан бір белгі

Құстар танып келе ме ертіп
Сезімдерді үркіткен
Жапырақпен кеткен үміт
Орала ма бүршікпен

Жанның шөлін бұлт баса ма
Қара терге малшынған
Терек менмен санаса ма
Көкке қарай шаншылған

Өзен ақты, өмір өтті
Кімге жөнсіз бұлданам
Ажарының бір түйірін
Сыйлар ма екен гүл маған

Медеу жаққа кетер едім
Жүрек қатты тоңып тұр
Күннен шуақ дәметіп ем
Ол да екі ойлы болып тұр

Тауға қарар жасанып ап
Алманың дәу қаласы
Тағдырымнан қаталырақ
Мүсіндердің қарасы

Көктем ерте келгенменен
Сенен сәлем деп тұрмас
Алматының көшесінде
Саған арнап төктім жас


Пікірлер (0)

Пікір қалдырыңыз

Сырға толы қарашық

  • 0
  • 0

Сырға толы қарашық,
Мен ішіңде кетсем бе екен адасып.
Ғаламатын былайғы жұрт сезбейді,
Отырар ед қарасып.

Толық

Қалдырдым құр сұлбаңды

  • 0
  • 0

Жүрегіме мен сені сақтадым да,
Басқаларға қалдырдым құр сұлбаңды.
Маңайыңа құр босқа топталуда,
Дауысыңды қызықтап түр тұлғаңды.

Толық

Ауылға асықтым

  • 0
  • 0

Тентек ұлдай тұратын жиі ысқырып,
Желге сәлем аитсам ба қыйыстырып.
Туған мекен қайыңның жапырағына,
Тұрғым келді бетімді түйістіріп.

Толық