Өлең, жыр, ақындар

Ақ орамал – адалдықтың айдыны

  • 17.09.2021
  • 0
  • 0
  • 882
Бабам менің баға берген асыра,
Салтым менің!
Баға жетпес асыл, ә!
Иман нұры ақ жүзіңде ойнасын,
Таға қойшы, орамалды басыңа.
Оттай жанып қарашық,
Орамалың тал бойыңа жарасып.
Өткенімнен өксіп жеткен сағыныш -
Салт-дәстүрім сенімен тұр санасып.
Ақ орамал!
Ар-намыстың көзі ме ең?
Босап көңіл, бордай болып езілем.
Айша бибі анам, аунап түстің бе,
Домалақтың жас домалап көзінен.
Ақ орамал!
Инабат пен иманым,
Бар байлығым, бар асылым – жиғаным.
Жылылығын сеуіп тұрған жүрекке,
Ұлылықтан бізге жеткен ұйғарым.
Рухсыздық тамыр жаймас сыз жерге,
Қасиетім қанаттансын ізгі елде.
Орамалда – инабат пен ізгілік,
Қанша ғасыр арман болған біздерге.
Өрге бет ал, бағыт алма еңіске,
Орамалың – АРЫҢ десем, теріс пе?!
Ақ орамал – адалдықтың айдыны,
Басыңа кеп қонып жатыр періште...



Пікірлер (0)

Пікір қалдырыңыз

Мен сені кешіремін

  • 0
  • 0

Мен сені кешіремін,
Жанымның таппасаң да есіл емін.
Күзбенен қатар келіп күрсіндірер,
Түспесін бұдан кейін есіңе мұң.

Толық

Бүгін сенің туған күнің..

  • 0
  • 0

Бүгін сенің туған күнің,
Бара алмаймын гүл алып.
Көзімді жас жуған бүгін,
Шаттанбаймын қуанып.

Толық

Қайтарым...

  • 0
  • 0

Адамзаттың зерттеп көрші мінезін,
Жаратқаннан кем санайды кім өзін?!
Бір-бірімен алысудан жалығып,
Іштей өзі жанығып,

Толық

Қарап көріңіз

Басқа да жазбалар

Пікірлер