Параллелизм

Қазақша өлең мәтіні, өлең жолдары және толық нұсқасы.

  • 17.09.2021
  • 0
  • 0
  • 978
Алма бірақ үмітіңді босқа үзіп,
Өмір деген – түйіспейтін қос сызық.
Жақсылықтың жаны неге жаралы?
Жамандық та қатар шауып барады.
Ататыны бір-біріне жай тасы,
Күн мен түннің бітіспей тұр шайқасы.
Айтайын ба, у секілді нала-сыр,
Аққа келіп жағылады қара сыр.
Қалай атсын қасиеттің бақ-күні,
Ащы келіп бұзып жатыр тәттіні.
Биіктігім...
Қашаннан-ақ жаралы,
Аласа кеп аяғынан шалады.
Мейірімнің сыңғырласа алқасы,
Қатыгездің қайралады балтасы.
Шаттығым-ай!
Үзілдің-ау сағадан,
Қуанышты қайғы алады жағадан.
...Темір жолдың секілденген табаны,
Біздің бақыт қос жолменен барады.
...Беймәлімдеу оңымыз бен солымыз,
Түйісе ме, екеуміздің жолымыз?..


Пікірлер (0)

Пікір қалдырыңыз

Жиі қойылатын сұрақтар

Параллелизм өлеңінің авторы кім?

Алма Түсіпбекова — осы өлеңнің авторы.

Параллелизм өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Параллелизм өлеңі не туралы?

Бұл өлеңде Алма Түсіпбекова өз ойы мен сезімін көркем түрде жеткізеді.

Параллелизм өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері