Өлең, жыр, ақындар

Жарылшы жүрек ағынан

  • 17.09.2021
  • 0
  • 0
  • 448
Жарылшы жүрек ағынан,
Табылшы көңіл бабынан.
Қаншама құлаш ұрсаң да,
Аспайды балта сабынан.
Домбырамды әкелші,
Берейін шырқап тағы да ән...
Құла түзде көңілім
Құландай безген қағынан.
Тумысы тұлпар болмаса,
Шықпайды жүйрік жабыдан.
Асауға тұсау түспейді,
Түртпесе біреу шабынан.
Жаратып мінген бедеу ат
Патшаның артық тағынан.
Ақынға асқан бақыт жоқ
Шабытты тұрған шағынан.
Жазмыштан озып кетпеген
Болса да небір бағлан.
Тұғырға шығар жігітті
Тұрқынан халқы таныған.
Артық қойған Ел ісін
Жеке бастың қамынан.
Намысын жатқа бермеген,
Жігерін тасқа жаныған.
Ақылы кемел кісінің
Кетпейді халқы маңынан.
Тұрады жұпар жел есіп
Жақсының ылғи жанынан.
...Тұла бой иіп, елжіреп,
Туған жер, сені сағынам!



Пікірлер (0)

Пікір қалдырыңыз

Сейітқұлдың кетпені

  • 0
  • 0

Маңдай соры – үш батпан,
Тағдыр мықтап ұстатқан.
Қыс алғанда қыспаққа,
Аштық тартты пұшпақтан.

Толық

Бурабайда жартастар бар...

  • 0
  • 0

Бурабайда жартастар бар,
Неткен шебер тас қалас.
Құламастан тік қалған,
Жазық маңдай, қасқа бас

Толық

Мергеннің әңгімесі

  • 0
  • 0

Айналып өтіп едім Айнакөлден,
Қалың құс қапталдады қайдан келген.
Су кешіп қамысақтан мамыр қусаң,
Қызығың ештеңе емес жайда көрген.

Толық

Қарап көріңіз