Өлең, жыр, ақындар

Кешегі қыз

  • 21.09.2021
  • 0
  • 0
  • 387
Күзде келіп қалыпты-ау ызғар ескен,
Төніп тұрған тандырар құздар естен.
Ғұмырдың
қия соқпақ жолдарында,
Қаншама шығып кетті-ау қыздар естен.
Салқын самал
тау жақтан еседі күз,
От болып өртей берсін өсегіңіз.
Ертістің
жағасында еркелеген
Есімнен шықпай қойды-ау
кешегі қыз.
Өмірді өзгелердей сүре алмадым,
Алаңсыз әлдекімдей
жүре алмадым.
Әнші қыз
шықпай қойды-ау есімнен бір,
Өзім де неге екенін біле алмадым.
Ән-жырмен
қарлы шыңға жар салғанбыз,
Арайлы таңды бірге қарсы алғанбыз.
Есімнен
шықпай қойды кеше түнде
Ертістің жағасында ән салған қыз.
Есіңе сен де мені аласың ба?
Шақырсам сонда қайта барсың ба.
Ақ нұр боп
елестейді асыл бейнең,
Суреттей сұлу Ертіс жағасында.
Көңілім ауыр-ауыр жалықты ойдан,
Не сезсін қайта-қайта «алып қойған».
Мөлдіреп қара көзі...
кешегі қыз,
Ертістің жағасында қалып қойған.
...Кеп қалған cалқын желін еседі күз,
Тоқтата алмас дауылды нөсеріңіз.
Ұшақта келе жатып
сені ойладым,
Ертістің жағасында... кешегі қыз.



Пікірлер (0)

Пікір қалдырыңыз

Біздің ауыл

  • 0
  • 0

Ана өзекке жоғалады сай барып,
Қасқырлары көкке қарап ұлыған.
Байлығы үшiн кiсенделiп, айдалып,
Мырзалары итжеккенге құрыған.

Толық

Қабырғаның ар жағында сен жаттың

  • 0
  • 0

Қабырғаның ар жағында сен жаттың,
Қабырғаның
бер жағында мен жаттым.
Сенi-дағы тербетедi бекзат түн,

Толық

Туған жерден iздеп келген Айнұрдың

  • 0
  • 0

Туған жерден iздеп келген Айнұрдың,
Айдай сұлу жүзiн көрiп қайғырдым.
Жас аруды
қара өлеңге қимадым,

Толық

Қарап көріңіз