Өлең, жыр, ақындар

Бақанас – біздің балалық

  • 24.09.2021
  • 0
  • 0
  • 1424
Ұл едік онда, қыз едік,
Бір емес едік – жүз едік.
Бақанас деген өзенді
Олай да кешкен – біз едік,
Бұлай да кешкен – біз едік!
Бұрымын иіскеп бал қыздың,
Жұпарын жұттық жалбыздың.
Бақанас өзі жұбатты
Жабырқап қалсақ жалғыз күн.
Адамның жастық ғұмыры –
Шапқан бір аттың дүбірі.
Құлағымда әлі жүр менің
Қыздардың тәтті күбірі.
Оралса ойға кейде осы,
Жыртылар көңіл жейдесі.
Жүрегімде әлі жүр менің
Қыздардың уыз бейнесі.
Алысқа бетті түзедік,
Ұл едік кеше, қыз едік.
Балалық деген өзенді
Олай да кешкен – біз едік,
Бұлай да кешкен – біз едік!

1980



Пікірлер (0)

Пікір қалдырыңыз

Дулат

  • 0
  • 0

Армысың, Дулат Бабатайұлы!
Арыстан жүрек дала шайыры.
Сыймас қалыпқа сендей алыпқа
Мекен болып па қала, тәйірі?!

Толық

Кеудеңіз күміс қобди

  • 0
  • 0

Үкідей үлпілдеген Төлек аға,
Үлгісің үлкенге де, балаға да!
Алпысты әлдекімдер асқар деп жүр,
Сіз үшін желіп шығар төбе ғана!

Толық

Қаракерей Қабанбай

  • 0
  • 0

Күн туса ел басына әлде қандай,
Атойлап атқа қонған ер Қабанбай.
Жаратып Тәңір өзі жаннан бөлек,
Сүйегін шар болаттан сомдағандай!

Толық