Өлең, жыр, ақындар

Торығу

  • 24.09.2021
  • 0
  • 0
  • 898
Көлімді дауыл шайқады,
Тағдырдың бүріп толғағы.
Кер заман көктей жайпады,
Үзіліп түсіп қолдағы
Үміттің алтын балдағы.
Аядай алдым мұнартты,
Айықпас түнек келді де.
Жеріме жат көз құмартты,
Желкеме қылыш төнді де,
Жеңіме жылан енді де.
Сайрауық тілім кесілді,
Аяқты кісен қапты да.
Надандар билеп есірді,
Тамағын ғана тапты да,
Тойынған иттей жатты да.
Ұйыған ортам іріді,
Ауыздан бірлік қашты да.
Іргесі елдің шіріді,
Аждаһа аран ашты да,
Албасты келіп басты да.
Іштегі жара қанады,
Көңілге қайғы толды да.
Қыранды торға қамады,
Тұғырға қарға қонды да,
Тірегім тұлдыр болды да.
Қағынан құлан жерінді,
Қағынған індет шықты да.
Жолбарыс жалтаң көрінді,
Өзінен зордан ықты да,
Өзекке барып бұқты да.
Тұғырдың түбі мұздады,
Мүйізді аяз қысты да.
Жүрегі көптің сыздады,
Қаймыға қарап сұстыға,
Көмейден жалын құсты да.
Оңымнан желім тұрмады,
Шаттықтың шоғын үрлеуге.
Асылдың тозды жұрнағы,
Қысқа жіп келмей күрмеуге,
Кемерге соғып құр кеуде.
Басымды оймен қаңғыртып,
Жүзімнің нұрын тайғыздым.
Түкпірін түннің жаңғыртып,
Кидім де кебін байғыздың,
Ішімді уға шайғыздым.

1987



Пікірлер (0)

Пікір қалдырыңыз

Ақмола шайқасы

  • 0
  • 0

Төңкерген әлдеқашан тайқазанды,
Япыр­ай, айтсам екен қай заманды?
Мияулап тарғыл мысық секілденіп,
Алады ұйқы бермей ой мазамды.

Толық

Ана дауысы

  • 0
  • 0

Құлыным­ау, анашың қалды қайран,
Естідім деп осынау әнді қайдан, әнді қайдан.
Шырқалғанда «Жас қазақ» сені ойлаймын,
Көз алдыма елестеп қанды майдан, қанды майдан.

Толық

Көңіл дауылы

  • 0
  • 0

Қарап тұр ем бір күні белге шығып,
Қаңбақтарды барады жел көшіріп.
Жел айдаған қаңбақтай кім көшпейді
Әурелесе аз күнгі пендешілік?

Толық

Қарап көріңіз