Өлең, жыр, ақындар

Тентек

  • 27.09.2021
  • 0
  • 0
  • 604
Ал, сансыра, сары бұта,
Сары желмен сал ырғаң!
Көңілім, саған "сап!" деп ем —
садаға кет сабырдан.
Арық, Кәрі Пегасың
әлі аңсайды бәйгені —
бәйге аңсайсың сен әлі
ырсаң қағып қабырғаң.
Сенде де сол ниет бар, —
Күрек-тісің қайда әлгі?
Қызыл иекпен қырқысып
кімге ашпақсың майданды?!
Бір тісіңді жойған-ды
бәсекенің тепкісі,
ал, бір тісің күштінің
бір сөзімен кетті ұшып.
Бір тісіңді бердің сен
арзан-ыржаң күлкі үшін,
бір тісіңді бердің сен
түйсігі бар жұрт үшін.
Үркіп шығып аузыңнан
бетке атылды бір тісің,
ерке әйелдің ернінде
кетті ақырғы бір тісің,
Қисаймаған қазығың жоқ —
көшкен елдің жұртысың.
Жайлы жансың сен енді!
О, жарады, жарады:
ебі келсе — емінер
ерін мен тіл бар әлі —
жыртып емес, жамап күн
көрер өлі жайың бар,
қырқып емес, жалап күн
көрер әлі жайың бар.
Бастық деген "айың" бар —
бала деген "уайым" бар,
қызыл-иек жыр жаз да
қыр басына дайындал.
Шоқ-шоқ дейсің, сенің де
жаның күйген шақтарда.
"Сап-сап" дейсің көңілге...
санасызда "сап!" бар ма!



Пікірлер (0)

Пікір қалдырыңыз

Байып қалдым, қиялға да жарыдым...

  • 0
  • 1

Байып қалдым, қиялға да жарыдым,
бәрібір сол тарқамады бір құмар.
Біреу менің, мен біреудің жарымын –
Не жөнім бар мұны сізге сыр қылар?

Толық

Шақырылмаған қонақ

  • 0
  • 0

Суға түскен сәуледей дір-дір қағып
уақыттың алдында жыр жырладық...
Бір ымыртта есікті еппен ашып
күдік деген сайқалың кірді ұрланып.

Толық

Романс

  • 0
  • 0

Бұлақ асып аққанда шарасынан,
сені көрем жапырақ арасынан.
Өткінші екен о күндер — келді, кетті,
сезімді тек мұңды етті, мөлдір етті.

Толық

Қарап көріңіз

Пікірлер