Өлең, жыр, ақындар

Еңбегің ұлан-асыр

  • 03.10.2021
  • 0
  • 0
  • 917
(Махмұт Қасымбековке)

Уа, Маха, некен­-саяқ сендей адам,
Жерім жоқ шын жақсыдан жанды аяған.
Дос таптым, туыс таптым – тыныс таптым,
Қуанып керегемді кеңге жаям!
Бассам да ақындықтың өріне аяқ,
Жүруші ем нағыз досқа жарымай­ақ.
Біреуге таудай болып көрінгенмен,
Білгенге бақыт, шіркін, тарыдай­ақ.
Алысқа көп үңілген қарашығым,
Қазақтың қарапайым баласымын.
Не қайыр толып жатқан ағайыннан,
Көңілдің таба алмаса жарасымын.
Еңбегің ұлан­асыр халқыңа еткен,
Самалдай шарапатың желпіп өткен.
Ұяңнан ұша берсін шартарапқа,
Бақытты балапандар сен түлеткен!
Үлгісін Елбасының дәріптеген,
Тұлғаңның биіктігін танып келем.
Жазылар Тәуелсіздік тарихына,
Сенің де атың алтын әріппенен!
Өзіңді жолықтырды Тәңір маған,
Жақсыны жақындамай таныр ма адам?!
Өмірдің шуағына бөлене бер,
Аққудай айдын көлде мамырлаған!


Пікірлер (0)

Пікір қалдырыңыз

Тәтті бұлақ

  • 0
  • 0

Ағушы еді ауылдың іргесінде,
Асығушы ем күн сайын тілдесуге,
Жағасы оның сауықтың сарайы еді,
Өткізуші ек жиналып жыр кешін де.

Толық

Жарысып жылдарменен

  • 0
  • 0

Аймағы ауылыңның ну қарағай,
Жамырап бой түзеген күнге қарай.
Өрмелеп қарағайға өскен ұлан,
Биікке тұра ала ма ту қадамай?!

Толық

Бояуы мың құбылған

  • 0
  • 0

Ғашық боп сурет деген бір ғаламға,
Төгесің жан сырыңды қыл қаламға.
Кәмеке, біз көргенді сен де көрдің,
Бояуы мың құбылған бұл заманда.

Толық