Өлең, жыр, ақындар

Арманым – аққуым

  • 18.10.2021
  • 0
  • 0
  • 1277
Арманым – аққуым,
Алысқа талпынып,
Ұшып ең шарқ ұрып,
Ашулы бұлттардың үстінде.
Найзағай отына қанатың шарпылып,
Қайрылып жерге түстің бе?

Қайырмасы:
Қанатың талған соң қайттың ба,
Құмарың қанған соң қайттың ба?
Жеткізбей шегі жоқ дүние,
Көңілің қалған соң қайттың ба?

Арманым – аққуым,
Көрік боп көңілге,
Серік боп сенімге,
Шарықтап, шалқып қал бұл күнде.
Түбі жоқ тұңғиық уақыттың көгінде,
Мәңгілік самғау мүмкін бе?

Қайырмасы.

Арманым – аққуым,
Жылайды кеудеңде,
Жүрегің шерменде,
Мұң шағып бір нәзік елеске.
Өмірдің өзі де айналып келгенде,
Алданыш қана емес пе?

Қайырмасы.



Пікірлер (0)

Пікір қалдырыңыз

Тауға қарай көшті бұлт

  • 0
  • 0

Тауға қарай көшті бұлт,
Тазартып аспан айнасын.
Қоюлай түсті кешкі ымырт,
Керді де көкте ай қасын.

Толық

Қайран өмір

  • 0
  • 0

Қайран өмір,
Қайда жібек самалың майда қоңыр?
Сенген жанның жанымда бірі де жоқ,
Күнге де бір, қараймын айға да бір.

Толық

Наза

  • 0
  • 0

Қайқы мүйіз тағдырға
Тайқы маңдай соғылды.
Қан аралас жаңбырға
Қарашығым шомылды.

Толық

Қарап көріңіз