Ақ бесік

Тербелесің тынымсыз, тербелесің,
Тербетумен өмірді сен келесің, ақ бесік.
Сылдырмаққа айналып ай мен жұлдыз,
Күннің өзі үстіңде дөңгелесін, ақ бесік!

Қайырмасы:
Тал бесігім,
Жан бесігім,
Жөргегіңді суытпа!
Балақаным,
Балапаным,
Ән-күйменен
Әлдилеген
Бесігіңді ұмытпа!

Құшағыңа бар әлем сыятындай,
Саған әкеп бар нұрын құятындай, ақ бесік.
Сенен қымбат бар ма екен, уа, дариға-ай,
Балапанның кішкентай ұясындай, ақ бесік!

Қайырмасы.

---