Несіпбек Айтұлы

Дәурен-ай!

Бұл бетте «Дәурен-ай!» атты Несіпбек Айтұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

18.10.2021
0
0
4405

Самғаған аспанында сар даланың,
Сағындым бозторғайдың салған әнін, дәуренай!

Еркіңе бағынбас,
Асау арманай!
Іздесем табылмас, беу, шіркін,
Асыл маржанай!
Жастық дәурен тұрмас,
Қайта мойын бұрмас,
Тоқтамастай,
Шапқан аттай,
Атқан оқтай, дәуренай!

Сырыңды мен қалай
Қалдым аңдамай?
Анамның сүтіндей, беу, шіркін,
Аппақ таңдар-ай!

Сағынсам бозторғайдың салған әнін,
Қолға алып домбырамды толғанамын, дәуренай!

Сабадан асырмас,
Сайран өмір-ай!
Арыны басылмас, беу, шіркін,
Қайран көңіл-ай!
Өмір көркі тозбас,
Одан ешкім озбас.
Ескен желдей,
Көшкен сендей,
Аққан селдей, дәуренай!

Аспаңдап алатын,
Асқақ қанатым,
Саған да кез келер, беу, шіркін,
Тыным табатын.

Несіпбек Айтұлы дәурен-ай! Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар