Білмейді­ау деп қорқамын – Кәкімбек Салықов

Ел байлығын талатқан
Ішінде жүрміз ортаның.
Жалғыз ғой,
Шіркін, Жаратқан,
Көрмейді­ау деп қорқамын.
Қапылыс емес жаңылыс,
Қажеті сол ма адамның:
Сатылу, ұрлау, атылыс...
Бейнесі болды заманның.
Бір елді бір ел ойрандап,
Жазықсыз жатыр жайратып.
Қаруға сенген тайраңдап,
Есерді қойды­ау сайратып.
Қалауын бермей халыққа,
Ептілер еркін жайлайды.
Жеткендер ірі байлыққа
Ақшамен аяқ байлайды.
Әккі қу мың­мың асайды­ау
Асырып айла­тәсілін.
Адам түгіл, жасайды­ау
Алладан да жасырын.
Жаратқан сыйлап нұрлы күн,
Ойласа ғалам мол қамын,
Жер беті кейбір сұмдығын
Білмейді­ау деп қорқамын.

18.08.2004.
Астана