Өлең, жыр, ақындар

Сырымбет арулары

  • 03.11.2021
  • 0
  • 0
  • 1025
Төрт тамаша Сырымбет сұлулары,
Көкшетауда жүр шымқай шырын-­дәрі.
Той­думанда аттарын жырға қоссам,
Ұнатады марқайған бүгін бәрі.
Зина, Бәкөш, Зейнікеш, Мағи қандай?!
Төрт жағыңнан төрт шырақ жағылғандай.
Жай емес­ау, бір сынып түлегіміз,
Жүрегіміз тапқызар бабын қандай?
Тауға жақын құлашты жайдым тағы,
Құлпырып тұр Айыртау алдымдағы.
Саумалкөлде Әгір жүр – сыныптас қыз,
Ұмытпастай аққудай айдындағы.
Бірге болса балғын шақ, өткеніміз,
Қанат жайды жас ұрпақ, өркеніміз.
Қашан, қайда жүрсек те естен кетпес
Бір ұядан ұшырған мектебіміз.
Құдіретті жер қыздарды күлімдетті,
Махаббаттың сан сырын ұғымды етті.
Құлағыма Жамалдың әні келіп,
Ұмыта алмай отырмын Сырымбетті.
Жанарларың жарқ еткен жан улады,
Сағынсақ та пәк жүрек жаңылмады.
Қыз күндерің қайтадан оралғандай,
Сәлемімді ал, Сырымбет арулары!

02.08.2007.
Астана



Пікірлер (0)

Пікір қалдырыңыз

Қос жүректің мекені

  • 0
  • 0

Шоқан басқан асыл ізден нәр алдым,
Ақан сері әнін жаттап таралдым.
Құлагер жортқан құба жонда ізі бар,
Аққулы елде, «Гәккулі» елде жаралдым.

Толық

Сүйіп қал

  • 0
  • 0

Сүйіп қал - Кәкімбек Салықов
Сурет қой тұрған алдыңда,
Көзіңді аш, жөндеп көріп қал.
Кездессе майса шалғында,

Толық

Абайға айтар алғысым

  • 0
  • 0

Абайға айтар алғысым
Қайран ел деп қабырғасы қайысқан,
Ол – данышпан «мыңмен жалғыз алысқан».
Кәкімбек Салықов

Толық

Қарап көріңіз