Өлең, жыр, ақындар

Мағжанның бір өлеңі

  • 23.11.2020
  • 0
  • 0
  • 1708
Үлкен өлең көңіл толар көлемі,
Мағжан аға «Сағындым» атты өлеңі.
Абақтыда Алла сыбыр еткендей,
Бой тастапты бостандықтың елеңі.
Межешамдай түнде төккен жарықты,
Алға тартты ақылы жеткен анықты:
«Мен өлсем де Алаш өлмес, көркейер!» –
Деп сақ қыран сендіріпті халықты.
Көкірек жарған түсінгенім ғажапты:
Сын сағатта шыңдап жатыр қазақты.
«Маған артық – ұлтым үшін өлгенім!» –
Деп кешіпті жан түршігер азапты.
Дауылпаздың дана сөзін тірі аңыз
Естіп жатты Қаратаулар, құба дүз.
Көріпкелдік – әулиелік болжамын
Өлеңдегі өз сөзінен тыңдаңыз:
«Қалың елім, қалың қара ағашым,
Қайраты мол, айбынды ер Алашым!
Өзі­ақ құлар, сырың берме, сабыр қыл,
Ақымақтар байқамаған шамасын!»
Осы емес пе әулиелік, даналық,
Тура келді Мағжан сөзі, бәрі анық.
Кешегі Одақ оқ шығынсыз құлады,
Өз қырсығы сұр жебедей қадалып.
«Көріпкел» ғой ақын сөзі өрелі,
«Пайғамбармын!» дегені де сол еді.
Ғасыр сырын ашып кетті данышпан,
Бір романнан артық қой бұл өлеңі.



Пікірлер (0)

Пікір қалдырыңыз

Сексеннің сергек тілегі

  • 0
  • 0

Сексеннің сергек тілегі
Япырмай, сергектік пе, еркектік пе,
Ойлантпай кеткен жастық келместікке.
Кәкімбек Салықов

Толық

Алпыстан асқан жас болмас

  • 0
  • 0

Алпыстан асқан жас болмас,
Жөн табар мың бір тілегің.
Арулар аса қас болмас,
Кәкімбек Салықов

Толық

Ел шетіндегі тебіреніс

  • 0
  • 0

Ел шетіндегі тебіреніс
Қайыңды елдің ұлымын, қайыңды елдің,
Ақ қайыңды жырлауға дайын келдім.
Кәкімбек Салықов

Толық

Қарап көріңіз