Өлең, жыр, ақындар

Қайратқа жеңдір қайғыңды

  • 22.07.2018
  • 0
  • 0
  • 4730
Қамқадан қара тон киіп,
Қабағың қарыс жапқанмен,
Қайғыны жасың жуа алмас.
Қақ айрылып жүрегің,
Қасіретке қалың батқанмен,
Қара бір көзің суалмас.
Қас қаруын аямас,
Қасиетің өшер басыңнан.
Қаралы қатып орны деп,
Қарындас кетер қасыңнан.
Қайратқа жеңдір қайғыңды,
Қамықпа, ерім, жас төгіп,
Қап-қара тұмам қаптасын,
Жарқыра күндей бір сөгіп.
* * *
Алтыны бар да түгі жоқ,
Аптығы бар да сыры жоқ,
Жүректен елге не пайда,
Сәулесі бар да нұры жоқ
Сыбыры бар да шыны жоқ,
Тілектен елге не пайда.
Сенгені бар да серті жоқ,
Семсері бар да еркі жоқ,
«Серіден» елге не пайда.
Сүрлеуі бар да жолы жоқ,
Сүңгісі бар да қолы жоқ,
«Ерінен» елге не пайда.
* * *
Қулығың ба айтып тұрған,
Шын ойыңды жасырып.
Бал дегенің у ма ұсынған,
Іштен қанжар асынып!
Ойнақы көз, ақ сұр бетін
Ардан бұрын туып па еді?
Тілің майда, сұм ниетің,
Ішің мұздан суық па еді?
Қасқыр мұңдас, қап-қара түн,
Арсыз жүрек, азғын жол —
Ақ тілеулі адамға мін.
Жалғыз-ақ сен пенде бол!



Пікірлер (0)

Пікір қалдырыңыз

Жабыға берме, жан сәулем

  • 0
  • 1

Жабыға берме, жан сәулем,
Жарқылда гауһар тасындай,
Қамыққанмен қайтпаспын,
Қанды майдан басылмай.

Толық

Май жыры

  • 0
  • 0

Май!
Қала жоқ кетпеген адам кернеп,
Жалынды сөз, күшті уран көшені өрлеп,
Жер шарында адал жан үн қосады

Толық

Түн мен күн

  • 0
  • 0

Кеш болып, түн тұнжырап күн батқанда,
Шешініп төсегімде мен жатқанда,
Ай ғана босағаға төгіп нұрын,
Тынымсыз байғыз сорлы зар қаққанда.

Толық

Қарап көріңіз