Өлең, жыр, ақындар

Сағындым сені, достарым

  • 22.07.2018
  • 0
  • 0
  • 12443
Сағындым сені, достарым,
Жапанды кезген партизан,
Жолбарыстай жортқан түн,
Жер астында жанған шам:.ч
Арқырай ұшқан алаурап
Пулеметтен атқан оқ,
Жабықсам, жалғыз сырласын
Жадыратар сен де жоқ.
Жапанда жалғыз бір қала
Жаныма менің «тас қорған».
Жақында еді ол мана,
Жан досыма не болған?..
Жатырмын мұнда мен неге,
Жарағым қайда бес қару?!
Жалынбас ғұмыр пендеге
Жалынды жүрек болдың у,
Қасыма келші біреуің,
Қанжарым қайда... автомат?
Қанды кешер кезімде
Қайдан тап болған кровать?
Қамқорым менің жас қана,
Украин қызы қарындас,
Қамықтырма ағаңды,
Бер тілегін, қақпанды аш!..
Уа, партизан, партизан!
Жау жүрек сендер арыстан,
Жойқын жорық болсын қан,
Сен ыстықсың жалыннан.
Сен қымбатсың жарымнан,
Сағындым сені, достарым!
Сағындым сені, партизан!
Сәні жоқ жатқан өмірдің,
Сауығар жарам... аққан қан..
Сабыңа қайта тұрармын.
Саусылдап қару бойымда,
Сан қамалды бұзармын,
Сабылып түннің қойнында»



Пікірлер (0)

Пікір қалдырыңыз

Сен қожа

  • 0
  • 0

Көк киімді көп неміс
Кеше — «қожа», бүгін — күл
Өңірі жыртық, көзі жас
Көшеңде кірпіш тасып жүр,

Толық

Балалық

  • 0
  • 0

Базарда, базар бір базар
Қызықсың - ау, балалық!
Бедерін. гауһар, сап алтын
Жүзіксің - ау, балалық!

Толық

Сайлау күнгі қуаныш

  • 0
  • 0

Бар жүректің бірдей соғып тынысы.
Бар қуаныш құйылғандай бір көлге.
Бар өмірдің зырыл қағып жүрісі,
Барлық бақыт жиналғандай бір жерге.

Толық

Қарап көріңіз