Өлең, жыр, ақындар

Дауыс

Беріктік қаула жүректе!
Тап жолынан таймайтын.
Жалында күш білекте,
Майданда барлық талмайтын.
Даусым дауыл, сөзім от,
Шыжылда жаулар қансырап
Капиталға ажал оқ.
Даусым тапқа шам-шырақ.
Құйыл жыр, теңіз - телегей!
Үде шабам,— шабысым!
Бар майданды жебелей,
Тілімнің уы шашылып,
Тап дұспаны улансын!
Майданға қару асынып,
Шығам, жаулар «туласын»
Сытырла, қалам, жорғала!
Орында ойдың қорғала,
Тұлпарым, сенсің жүйрігім,
Түсейін топқа тайсалмай,
Даңқсыз талап болса да,
Қарыштап жазам денемді,
Толмаса да, толса да.
Ағында, екпін, ағында,
Бұрқырат шаңын даланың,
Дауысым таптық жаңылма!
Қайнатам қару, қолда алмас,
Майданға кірдім тап үшін,
Сайра, жағым, тіл талмас,
Саңқылда, жас дабысым.



Пікірлер (0)

Пікір қалдырыңыз

Ашығудың бесінші күнінде

  • 0
  • 0

Туысқандар!
Айтар сөзді мен бүгін
Тапсам әрең.
Ақтарар көңілде

Толық

Алты сөз

  • 0
  • 0

«Мағынасы жоқ» кейбір сөздің.
Қара тастай зілі бар,
Көзге ілінбес кейбір жанның
Таң-тамаша сыры бар.

Толық

Азғын

  • 0
  • 0

Тәңірің сенің табынған
Бақыт пенен көк көйлек.
Жыртылар кезі кездессе.
Кетуің оңай өгей деп.

Толық

Қарап көріңіз