Өлең, жыр, ақындар

Жеткенше өріне осы отыз бестің

  • 06.11.2021
  • 0
  • 0
  • 504
Жеткенше өріне осы отыз бестің,
Алмасқан ыстық-суық не күн кештім.
Арманның жалғыз аяқ жолдарымен
Жолықсам саған, досым, өкінбеспін.
Деп жүрсем сарқылдым-ау, тартылдым-ау,
Түсіріп ақ көңілге әркім қылау,
Жүр-жүрлеп көзімді ашып дүниеге
Секілді қайта әкелген мартым мынау.
Келдің бе көктем болып, туған айым,
Тағы бір нәрестең боп іңгалайын.
Тіл бітіп енді қалай жырламаймын,
Ей, күнім, бұр бетіңді, бір қарайын.
Отыз бес, келдің мені армандатып,
Жанымды жұбата алмай жалған бақыт.
Көктемім, өтінемін сен мен үшін
Жүйкесін босат жердің қалған қатып.



Пікірлер (0)

Пікір қалдырыңыз

Махаббат күні

  • 0
  • 0

Бүгінгіге аңыз болар кешегі,
Өмір заңы, өшіп, біреу өседі.
Бір кездерде жер мен аспан арасы
Тас қараңғы болған екен деседі.

Толық

Армандылар өткен екен аһ ұрып

  • 0
  • 0

Армандылар өткен екен аһ ұрып,
Кеудесінен қайғы көлін сапырып.
Кейінгілер есіне ала жүрсін деп,
Өздерін де тас қып кеткен қатырып.

Толық

Сұлу емеспін деп

  • 0
  • 0

Сұлу емеспін деп,
Бекерге шын тәңірге өкпелеппін.
Сұлулармен жүріппін теңескім кеп,
Алалығын сезсем де бетпе-беттің.

Толық