Көп күттірген сағынышым аңсаған – Қанипа Бұғыбаева

Бұл бетте «Көп күттірген сағынышым аңсаған» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.11.2021
  • 0
  • 0
  • 726
Көп күттірген сағынышым аңсаған,
Өз алдыңда өлең оқып, ән салам.
Аман-есен көргеніме қуанып,
Мен өзіңді жыл келгендей қарсы алам.
Ойламашы есі ауысқан екен деп,
Жазар мені жүрегімнін, оты емдеп.
Онсыз-дағы қысқа өмірді қысқартып,
Сағатыңа қарамашы кетем деп...
Асықпашы, болмас, жаным, жол шегі,
Жол шегінде өмірдің тұр өлшемі.
Жүрегі бар жігіт таппай өмірден,
Тұңғыш рет көргендеймін мен сені.
Көп күттірген сағынышым сарылып,
Әйелдегі махаббаттың бәрі үміт.
Жабырқатып жасымды сен сұрама,
Сүйе алатын көңілде жоқ кәрілік...
Жеткенше мен қателестім, от бастым,
Көңіліммен көп пендеге қақпа аштым?
Кешір, бірақ өзіңдегі өзімді
Дүниені шыр айналсам таппаспын.
Таппаспын деп жүріп сені тапқан ем,
Арманымның алаулаған ақ таңы ең.
Қабағыңнан оқып бәрін отырмын,
Өзің үшін түсе жаздап отқа мен...
Нұрлы жүрек нұрлы ақыл, нұрлы үміт
Кірпіктерге жұлдыз – моншақ тұрды іліп.
Сені менше сүйген емес бір әйел,
Мені сенше сүйген емес бір жігіт...


Пікірлер (0)

Пікір қалдырыңыз

Жиі қойылатын сұрақтар

Көп күттірген сағынышым аңсаған өлеңінің авторы кім?

Қанипа Бұғыбаева — осы өлеңнің авторы.

Көп күттірген сағынышым аңсаған өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көп күттірген сағынышым аңсаған өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Көп күттірген сағынышым аңсаған өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері