Өлең, жыр, ақындар

Бала алдында көрінеміз баладай

  • 06.11.2021
  • 0
  • 0
  • 618
Бала алдында көрінеміз баладай,
(Үлкеннің бәрі бола да бермес, дана Абай).
Ашықтырмай мәңгілік жатқан асырап,
Жер деген ұлы жаны бар ортақ анадай.
Біз баламыз...
тірліктің тартқан бал, уын,
Ауырып қалып, таппаған дерттің дәруын.
Түршіктіріп, сілкінттік, қанша шошытып,
Сол анаға өзіміз жасап шабуыл.
Біз баламыз!..
басынан кетпес балғын шақ,
Уақыттың жүгін мойынға қойған тағдыр сап.
Қорқамын іштей, тартам ба деп зауалын,
Табиғатқа тыныш жатқан қол жұмсап.
Біз баламыз,
бесікте жатқан оянбай,
Мейіріммен уызға татқан тоя алмай,
Жер - ананың араша сұрап шыңғырған –
Жан айқайы жетпеді жанға, ой алла - ай!...



Пікірлер (0)

Пікір қалдырыңыз

Енді ғана бой жеттім...

  • 0
  • 0

Енді ғана бой жеттім...
Жасымды сен сұрама,
Өткен жылдар бейне түс, ойда ылғи тұра ма?
Болсам-дағы бұл күні сүйіктісі біреудің,

Толық

Алға қарай асығып сұңқар уақыт

  • 0
  • 0

Алға қарай асығып сұңқар уақыт,
Жыр саулатып барады, шырқауға тік.
Алтын шұғыла таратып қанаттары,
Жерді туып келеді күн толғатып.

Толық

Бірге түстік тірлікте от пен суға екеуміз

  • 0
  • 0

Бірге түстік тірлікте от пен суға екеуміз,
Қанықпыз ғой бастан бұл өткен сырға екеуміз.
Бірге татып өмірдің ащы дәмін екеуміз,
Көңілдердің шырқадық асыл әнін екеуміз.

Толық

Қарап көріңіз