Қанипа Бұғыбаева

Білем, сенің алыста ғой арманың

Бұл бетте «Білем, сенің алыста ғой арманың» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

06.11.2021
0
0
581

Білем, сенің алыста ғой арманың,
Жетпес көңіл сарайыңа зарлы әнім.
Жүзтанысты жол үстіне қалдырып –
Ұмыта бер, ұмытшағым бәр-бәрін.
Жанарыңнан жамыраған сан шуақ,
Сезімімді шымшыласын, қамшылап.
Сағыныштың сары гүлін суғарсын,
Ғасыр жасы жүрегіңнен тамшылап...
Өткелдегі күйін кешіп ғаріптің,
Көптен бері көрмей сені зарықтым.
Ойда жоқта бір мен үшін жарқ еткен,
Жанарыңмен бірге кетер жарық күн.
Өзегімді тырналайды жел ұлып,
Өртенемін елесіңнен жеңіліп.
“Өтпелі өмір” көрген түстей бұлыңғыр –
Бұлдырасам, көз алдыңнан мені ұмыт.
Бірақ, бірақ бола алмайсың сен ұмыт...

Қанипа Бұғыбаева білем сенің алыста ғой арманың Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар