Таралған бұғы мүйіз тау шынарым – Қанипа Бұғыбаева

Бұл бетте «Таралған бұғы мүйіз тау шынарым» атты Қанипа Бұғыбаева жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 08.11.2021
  • 0
  • 0
  • 726
Таралған бұғы мүйіз тау шынарым,
Тұр ма екен жапырағы тауысып әнін.
Көңілсіз кездерінде көгіңнен мен,
Өлеңмен таңғы шықтай тамшылармын.
Күлкіңнен тағдыр ерте айырды ма,
Әжімі-ау уақыт салған шайыр мына.
Құз-қия қатері мол биіктіктен,
Сындырып сабағыңды, жай ұрды ма...
Өмірдің қысы, күзі, көктемінде,
Япыр-ай, ауыр азап шекпедің бе.
Жасырмай айтшы, шынар, жыладың ба,
Кейде бір жалғызсырап кеткеніңде?
Оралып олжа тапқан бір алыстан,
Кернеген көкірегін қуаныштан.
Сапарын саған айтып шаңқ етіп бір,
Төбеңнен шыр айналып қыран ұшқан.
Аспаннан тауда тұрып бұлт сұрарсың,
Біздерге қайратыңды ұқтырарсың.
Сайысып нажағаймен жалғыз өзің,
Иілмей, құласаң сен, тік құларсың...


Пікірлер (0)

Пікір қалдырыңыз

Жиі қойылатын сұрақтар

Таралған бұғы мүйіз тау шынарым өлеңінің авторы кім?

Қанипа Бұғыбаева — осы өлеңнің авторы.

Таралған бұғы мүйіз тау шынарым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Таралған бұғы мүйіз тау шынарым өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Таралған бұғы мүйіз тау шынарым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері